wo ek lamha ki mushkil se kaTne wala tha

Naseem Sahar

wo ek lamha ki mushkil se kaTne wala tha

Naseem Sahar

MORE BYNaseem Sahar

    vo ek lamha ki mushkil se kaTne vaalā thā

    maiñ tañg aa ke zamīñ meñ simaTne vaalā thā

    mirā vajūd muzāhim thā chāroñ jānib se

    isī liye to maiñ raste se ha.Tne vaalā thā

    maiñ taḳht-e-ishq pe faa.ez thā jāntā thā kahāñ

    ki ek din mirā taḳhta ulaTne vaalā thā

    jo baat thī havā meñ bikharne vaalī thī

    jo ḳhat likhā thā vo purzoñ meñ baTne vaalā thā

    ye intihā thī ki ik roz maiñ bhī dānista

    ġhubār ban ke havā se lipaTne vaalā thā

    phir ik sadā pe mujhe faisla badalnā paḌā

    maiñ yuuñ to us galī se palaTne vaalā thā

    'nasīm' taaza havā ne diyā thā mujh ko payām

    ġhubār dil pe jo chhāyā thā chhaTne vaalā thā

    wo ek lamha ki mushkil se kaTne wala tha

    main tang aa ke zamin mein simaTne wala tha

    mera wajud muzahim tha chaaron jaanib se

    isi liye to main raste se haTne wala tha

    main taKHt-e-ishq pe faez tha jaanta tha kahan

    ki ek din mera taKHta ulaTne wala tha

    jo baat ki thi hawa mein bikharne wali thi

    jo KHat likha tha wo purzon mein baTne wala tha

    ye intiha thi ki ek roz main bhi danista

    ghubar ban ke hawa se lipaTne wala tha

    phir ek sada pe mujhe faisla badalna paDa

    main yun to us ki gali se palaTne wala tha

    'nasim' taza hawa ne diya tha mujh ko payam

    ghubar dil pe jo chhaya tha chhaTne wala tha

    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY