wo ek sang hai jis ka tawaf karte rahe

vo ek sang hai jis kā tavāf karte rahe

magar ye kaam ḳhirad ke ḳhilāf karte rahe

ki ham ne dekh ke chādar ko paañv phailāyā

guzar-basar bhī ba-qadr-e-kafāf karte rahe

ham apnī zaat ko ḳhākī sifat banāne meñ

ruḳh-e-hayāt se miTTī ko saaf karte rahe

jo ahl-e-zarf the paivandgī ke qaa.il the

ḳhasīs log to chhat meñ shigāf karte rahe

paloñ meñ ghoñT ga.e puḳhtagī ke hāmil sab

na.e jo rind the bas shiin qaaf karte rahe

tamām shab rahā jaarī varūd-e-sher-o-suḳhan

charāġh-e-dil kā button on of karte rahe

hamārī zaat ko kar de na muttahim 'sāqib'

ḳhudī se duur ḳhatar kā ġhilāf karte rahe

wo ek sang hai jis ka tawaf karte rahe

magar ye kaam KHirad ke KHilaf karte rahe

ki hum ne dekh ke chadar ko panw phailaya

guzar-basar bhi ba-qadr-e-kafaf karte rahe

hum apni zat ko KHaki sifat banane mein

ruKH-e-hayat se miTTi ko saf karte rahe

jo ahl-e-zarf the paiwandgi ke qail the

KHasis log to chhat mein shigaf karte rahe

palon mein ghonT gae puKHtagi ke hamil sab

nae jo rind the bas shin qaf karte rahe

tamam shab raha jari warud-e-sher-o-suKHan

charagh-e-dil ka button on of karte rahe

hamari zat ko kar de na muttahim 'saqib'

KHudi se dur KHatar ka ghilaf karte rahe