wo ek shaKHs ki jo aaftab jaisa hai
vo ek shaḳhs ki jo āftāb jaisā hai
qarīb aa.e to taaza gulāb jaisā hai
ḳhudā kare ki kabhī bhī na TūTne paa.e
ye terā merā milan ek ḳhvāb jaisā hai
zarā bhī tez havā ho to kaañp uThtā hai
vo ḳhush-jamāl to shāḳh-e-gulāb jaisā hai
kuchh aise lagtā hai jaise guzar ga.iiñ sadiyāñ
tirī judā.ī kā mausam azaab jaisā hai
samay ke tez bagūloñ kī zad meñ Thahrā huuñ
mire vajūd kā dariyā habāb jaisā hai
tirī jabīñ pe ibārat hai dīn-e-ishq 'niyāz'
tirā vajūd muqaddas kitāb jaisā hai
wo ek shaKHs ki jo aaftab jaisa hai
qarib aae to taza gulab jaisa hai
KHuda kare ki kabhi bhi na TuTne pae
ye tera mera milan ek KHwab jaisa hai
zara bhi tez hawa ho to kanp uThta hai
wo KHush-jamal to shaKH-e-gulab jaisa hai
kuchh aise lagta hai jaise guzar gain sadiyan
teri judai ka mausam azab jaisa hai
samay ke tez bagulon ki zad mein Thahra hun
mere wajud ka dariya habab jaisa hai
teri jabin pe ibarat hai din-e-ishq 'niyaz'
tera wajud muqaddas kitab jaisa hai
Source:
Abr, Hawa aur Barish (Pg. 94)
- Author: Niyaz Hussain Lakhvira
-
- Edition: 1988
- Publisher: Mavaraa Publications
- Year of Publication: 1988
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
