wo hazir ho ki ghaeb ho nihan yun bhi hai aur yun bhi

Arsh Malsiyani

wo hazir ho ki ghaeb ho nihan yun bhi hai aur yun bhi

Arsh Malsiyani

MORE BYArsh Malsiyani

    vo hāzir ho ki ġhā.eb ho nihāñ yuuñ bhī hai aur yuuñ bhī

    sarāsar raaz rāz-e-kun-fakāñ yuuñ bhī hai aur yuuñ bhī

    tahayyur hai huzūrī meñ to betābī hai duurī meñ

    musībat meñ ye jān-e-nā-tavāñ yuuñ bhī hai aur yuuñ bhī

    tamannā tarah tark-e-tamannā bhī musībat hai

    ye duniyā ik maqām-e-imtihāñ yuuñ bhī hai aur yuuñ bhī

    vo aa kar bhī rulāte haiñ vo kar bhī rulāte haiñ

    dil-e-nākām mashġhūl-e-fuġhāñ yuuñ bhī hai aur yuuñ bhī

    uThāyā nāz-e-rahbar bhī junūñ bhī aazmā dekhā

    magar barham nizām-e-kārvāñ yuuñ bhī hai aur yuuñ bhī

    jo dil meñ daaġh raushan haiñ to ashk-e-ḳhūñ hai āñkhoñ meñ

    ye manzar-e-gulsitāñ dar-gulsitāñ yuuñ bhī hai aur yuuñ bhī

    rahī jo barq se mahfūz pāmāl-e-ḳhizāñ hogī

    ġham-e-anjām-e-shāḳh-e-āshiyāñ yuuñ bhī hai aur yuuñ bhī

    faqat kahne ko to hai kāmyābī aur nākāmī

    mohabbat fātah-e-kaun-o-makāñ yuuñ bhī hai aur yuuñ bhī

    sitam ho karam donoñ ham par shukr vājib hai

    jo apnā mehrbāñ hai mehrbāñ yuuñ bhī hai aur yuuñ bhī

    jo sun sakte ho tum sun lo nahīñ tāqat to ham chup haiñ

    hameñ manzūr apnā imtihāñ yuuñ bhī hai aur yuuñ bhī

    umīd-e-silsila-dar-silsila lutf-o-davām is meñ

    bahār-e-umr-e-fānī jāvedāñ yuuñ bhī hai aur yuuñ bhī

    ghaTā sāvan aur ai 'arsh' ilhāmāt bārish

    zamīñ par aaj faiz-e-āsmāñ yuuñ bhī hai aur yuuñ bhī

    wo hazir ho ki ghaeb ho nihan yun bhi hai aur yun bhi

    sarasar raaz raaz-e-kun-fakan yun bhi hai aur yun bhi

    tahayyur hai huzuri mein to betabi hai duri mein

    musibat mein ye jaan-e-na-tawan yun bhi hai aur yun bhi

    tamanna ki tarah tark-e-tamanna bhi musibat hai

    ye duniya ek maqam-e-imtihan yun bhi hai aur yun bhi

    wo aa kar bhi rulate hain wo ja kar bhi rulate hain

    dil-e-nakaam mashghul-e-fughan yun bhi hai aur yun bhi

    uThaya naz-e-rahbar bhi junun bhi aazma dekha

    magar barham nizam-e-karwan yun bhi hai aur yun bhi

    jo dil mein dagh raushan hain to ashk-e-KHun hai aankhon mein

    ye manzar-e-gulsitan dar-gulsitan yun bhi hai aur yun bhi

    rahi jo barq se mahfuz pamal-e-KHizan hogi

    gham-e-anjam-e-shaKH-e-ashiyan yun bhi hai aur yun bhi

    faqat kahne ko to hai kaamyabi aur nakaami

    mohabbat fatah-e-kaun-o-makan yun bhi hai aur yun bhi

    sitam ho ya karam donon ka hum par shukr wajib hai

    jo apna mehrban hai mehrban yun bhi hai aur yun bhi

    jo sun sakte ho tum sun lo nahin taqat to hum chup hain

    hamein manzur apna imtihan yun bhi hai aur yun bhi

    umid-e-silsila-dar-silsila lutf-o-dawam is mein

    bahaar-e-umr-e-fani jawedan yun bhi hai aur yun bhi

    ghaTa sawan ki aur ai 'arsh' ilhamat ki barish

    zamin par aaj faiz-e-asman yun bhi hai aur yun bhi

    Source
    • Book : Kulliyat-e-Arsh (Pg. 61)
    • Author : Arsh Malsiyani
    • Publication : Ali Imran Chaudhary
    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY