wo hansti aankhen hasin tabassum damakta chehra kitab jaisa

vo hañstī āñkheñ hasīñ tabassum damaktā chehra kitāb jaisā

darāz qāmat hai sarv aasā hai rañg khilte gulāb jaisā

vo dhīme lahje ke zer-o-bam meñ phuvār jaisī hasīn rim-jhim

hai guftugū meñ baham tasalsul ravāñ ravāñ sā chanāb jaisā

kuchh us ke aariz kī dil-farebī kuchh us ke hoñToñ kā rañg dilkash

vo sar se pā hai ġhazal kā lahja nayā nayā sā shabāb jaisā

kabhī vo tasvīr ban ke dekhe kabhī vo tahrīr ban ke bole

vo pal meñ gum-sum vo pal meñ hairāñ kisī musavvir ke ḳhvāb jaisā

vo mere jazboñ kī ḳhush-nasībī yā us kī chāhat kī intihā hai

ki us kī āñkhoñ meñ aks merā nihāñ ayaañ sā hijāb jaisā

farishta sūrat duā kā saaya vo ruup insāñ kā dhaar aayā

hai us se duurī azaab mujh ko hai us kā milnā savāb jaisā

palaT ke dekhe to vaqt Thahre vo chal paḌe to zamāna hairāñ

vo rashk-e-ambar vo māh-e-kāmil vo kahkashāñ vo shahāb jaisā

kabhī vo sher-o-suḳhan kā shaidā kabhī vo tahqīq kā divāna

vo merī ġhazloñ kā husn-e-matl.a mire maqāle ke baab jaisā

wo hansti aankhen hasin tabassum damakta chehra kitab jaisa

daraaz qamat hai sarw aasa hai rang khilte gulab jaisa

wo dhime lahje ke zer-o-bam mein phuwar jaisi hasin rim-jhim

hai guftugu mein baham tasalsul rawan rawan sa chanab jaisa

kuchh us ke aariz ki dil-farebi kuchh us ke honTon ka rang dilkash

wo sar se pa hai ghazal ka lahja naya naya sa shabab jaisa

kabhi wo taswir ban ke dekhe kabhi wo tahrir ban ke bole

wo pal mein gum-sum wo pal mein hairan kisi musawwir ke KHwab jaisa

wo mere jazbon ki KHush-nasibi ya us ki chahat ki intiha hai

ki us ki aankhon mein aks mera nihan ayan sa hijab jaisa

farishta surat dua ka saya wo rup insan ka dhaar aaya

hai us se duri azab mujh ko hai us ka milna sawab jaisa

palaT ke dekhe to waqt Thahre wo chal paDe to zamana hairan

wo rashk-e-ambar wo mah-e-kaamil wo kahkashan wo shahab jaisa

kabhi wo sher-o-suKHan ka shaida kabhi wo tahqiq ka diwana

wo meri ghazlon ka husn-e-matla mere maqale ke bab jaisa