wo har tarah se hamein bewafa samajhte hain

vo har tarah se hameñ bevafā samajhte haiñ

ḳhudā hī jaane ki vo ham ko kyā samajhte haiñ

ham un ke dard kī gahrā.iyoñ meñ Duube haiñ

samajhne vaale hameñ jaane kyā samajhte haiñ

haiñ aisī kaun sī majbūriyāñ ḳhudā jaane

qarīb rah ke bhī ham ko judā samajhte haiñ

vo ab shikār ġhalat-fahmiyoñ kā haiñ shāyad

du'ā kareñ bhī to vo bad-du'ā samajhte haiñ

subūt chāhiye ab kyā vafā-parastī kā

vo zahr deñ to ham us ko davā samajhte haiñ

hamāre naam jo bhejā hai us ne ḳhat 'afsar'

ham apne dil kā use mudda'ā samajhte haiñ

wo har tarah se hamein bewafa samajhte hain

KHuda hi jaane ki wo hum ko kya samajhte hain

hum un ke dard ki gahraiyon mein Dube hain

samajhne wale hamein jaane kya samajhte hain

hain aisi kaun si majburiyan KHuda jaane

qarib rah ke bhi hum ko juda samajhte hain

wo ab shikar ghalat-fahmiyon ka hain shayad

du'a karen bhi to wo bad-du'a samajhte hain

subut chahiye ab kya wafa-parasti ka

wo zahr den to hum us ko dawa samajhte hain

hamare nam jo bheja hai us ne KHat 'afsar'

hum apne dil ka use mudda'a samajhte hain