wo ho ilaj-e-dard mudawa kahen jise
wo ho ilaj-e-dard mudawa kahen jise
Pandit Jagmohan Nath Raina Shauq
MORE BYPandit Jagmohan Nath Raina Shauq
vo ho ilāj-e-dard mudāvā kaheñ jise
aisā to ho koī ki masīhā kaheñ jise
pursān-e-hāl koī nahīñ jis kā naam leñ
ik dard dil hī hai ki shanāsā kaheñ jise
mushkil ye hai ki aap to sunte hī kuchh nahīñ
rūdād-e-ishq vo ki fasāna kaheñ jise
jalve se dekhiye kahīñ āñkheñ jhapak na jaa.eñ
yuuñ chashm vā ho zauq-e-tamāshā kaheñ jise
allāh aisī de tujhe taufīq ai junūñ
sar meñ vo dhun samā.e ki saudā kaheñ jise
sab hasratoñ ko ḳhaak meñ zālim milā diyā
ab dil meñ kyā rahā ki tamannā kaheñ jise
ye bār-e-zindagī kahīñ halkā na 'shauq' ho
itnā to ho ki hāsil-e-duniyā kaheñ jise
wo ho ilaj-e-dard mudawa kahen jise
aisa to ho koi ki masiha kahen jise
pursan-e-haal koi nahin jis ka nam len
ek dard dil hi hai ki shanasa kahen jise
mushkil ye hai ki aap to sunte hi kuchh nahin
rudad-e-ishq wo ki fasana kahen jise
jalwe se dekhiye kahin aankhen jhapak na jaen
yun chashm wa ho zauq-e-tamasha kahen jise
allah aisi de tujhe taufiq ai junun
sar mein wo dhun samae ki sauda kahen jise
sab hasraton ko KHak mein zalim mila diya
ab dil mein kya raha ki tamanna kahen jise
ye bar-e-zindagi kahin halka na 'shauq' ho
itna to ho ki hasil-e-duniya kahen jise
Source:
Payam-e-Shauq (Pg. 223)
- Author: Jagmohan Nath Reena Shauq
-
- Publisher: Nizami Press, Badaun
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
