vo ho kaisā hī dublā taar bistar ho nahīñ saktā
ġhalat hai aadmī is tarah lāġhar ho nahīñ saktā
kabhī aañsū kā qatra misl-e-gauhar ho nahīñ saktā
ġhalat hai abr-e-naisāñ dīda-e-tar ho nahīñ saktā
miyāñ majnūñ hoñ chāhe kohkan ho donoñ ḳhabtī the
kisī kā kuchh bhī un se ḳhaak patthar ho nahīñ saktā
kamar jis ke na ho vo baar se kyuuñ kar chalegā phir
ḳhilāf-e-aql hai ye is tarah par ho nahīñ saktā
kaho phir ye kamar moTī hai sar chhoTā hai dilbar kā
nahīñ to phir qad-e-jānāñ sanobar ho nahīñ saktā
vo ḳhatt-e-shauq ke jitne pulande chāhe le jaa.e
mulāzim Dāk-ḳhāne meñ kabūtar ho nahīñ saktā
'zarīf' ā.īna de kar Darvin-sāhab ko samjhā do
na ho jab tak sharīr insān bandar ho nahīñ saktā
wo ho kaisa hi dubla tar bistar ho nahin sakta
ghalat hai aadmi is tarah laghar ho nahin sakta
kabhi aansu ka qatra misl-e-gauhar ho nahin sakta
ghalat hai abr-e-naisan dida-e-tar ho nahin sakta
miyan majnun hon chahe kohkan ho donon KHabti the
kisi ka kuchh bhi un se KHak patthar ho nahin sakta
kamar jis ke na ho wo bar se kyun kar chalega phir
KHilaf-e-aql hai ye is tarah par ho nahin sakta
kaho phir ye kamar moTi hai sar chhoTa hai dilbar ka
nahin to phir qad-e-jaanan sanobar ho nahin sakta
wo KHatt-e-shauq ke jitne pulande chahe le jae
mulazim Dak-KHane mein kabutar ho nahin sakta
'zarif' aaina de kar Darwin-sahab ko samjha do
na ho jab tak sharir insan bandar ho nahin sakta
Source:
Intikhabe Kalam Zareef (Pg. E-26 B-27)
-
- Edition: 2004
- Publisher: Mohammad Najmul Hasan
- Year of Publication: 2004
Additional information available
Click on the INTERESTING button to view additional information associated with this sher.
rare Unpublished content
This ghazal contains ashaar not published in the public domain. These are marked by a red line on the left.
