wo ek hasin kabhi tanha nahin nikalta hai
vo ik hasīñ kabhī tanhā nahīñ nikaltā hai
ki jaise chāñd akelā nahīñ nikaltā hai
har aadmī se vafā kī umiid mat rakkho
har ik zamīn se sonā nahīñ nikaltā hai
gharoñ meñ chāroñ taraf qumqume to raushan haiñ
magar diloñ se añdherā nahīñ nikaltā hai
kuchh imtihān faqat imtihān hote haiñ
har imtihāñ kā natīja nahīñ nikaltā hai
kabhī kabhī baḌī mushkil se baat bantī hai
ġhazal kā sher hamesha nahīñ nikaltā hai
hamāre dard kī daulat faqat hamārī hai
zamāne jā tirā hissa nahīñ nikaltā hai
'kamāl' ab to adū kī shanāḳht mushkil hai
har ek bam se falītā nahīñ nikaltā hai
wo ek hasin kabhi tanha nahin nikalta hai
ki jaise chand akela nahin nikalta hai
har aadmi se wafa ki umid mat rakkho
har ek zamin se sona nahin nikalta hai
gharon mein chaaron taraf qumqume to raushan hain
magar dilon se andhera nahin nikalta hai
kuchh imtihan faqat imtihan hote hain
har imtihan ka natija nahin nikalta hai
kabhi kabhi baDi mushkil se baat banti hai
ghazal ka sher hamesha nahin nikalta hai
hamare dard ki daulat faqat hamari hai
zamane ja tera hissa nahin nikalta hai
'kamal' ab to adu ki shanaKHt mushkil hai
har ek bam se falita nahin nikalta hai
Source:
Radd-e-amal (Pg. 9)
- Author: Ahmad Kamal Hashami
-
- Edition: 2016
- Publisher: Ahmad Kamal Hashami
- Year of Publication: 2016
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
