wo ek lafz jo be-sada jaega

Ameer Qazalbash

wo ek lafz jo be-sada jaega

Ameer Qazalbash

MORE BYAmeer Qazalbash

    vo ik lafz jo be-sadā jā.egā

    vahī muddatoñ tak sunā jā.egā

    koī hai jo mere ta.āqub meñ hai

    mujhe merā chehra dikhā jā.egā

    vo ik shaḳhs jo dushman-e-jāñ sahī

    magar phir bhī apnā kahā jā.egā

    jalegī koī mish.al-e-jāñ abhī

    magar phir añdherā chhā jā.egā

    nafi-e-jur.at-e-haq-numā.ī sahī

    magar kab kisī se kahā jā.egā

    yahāñ ik shajar muntazir bhī hai

    ab āḳhir kahāñ tak chalā jā.egā

    maiñ vo mish.al-e-nīm-shab huuñ 'amīr'

    jise kal sūraj bujhā jā.egā

    wo ek lafz jo be-sada jaega

    wahi muddaton tak suna jaega

    koi hai jo mere taaqub mein hai

    mujhe mera chehra dikha jaega

    wo ek shaKHs jo dushman-e-jaan sahi

    magar phir bhi apna kaha jaega

    jalegi koi mishal-e-jaan abhi

    magar phir andhera sa chha jaega

    nafi-e-jurat-e-haq-numai sahi

    magar kab kisi se kaha jaega

    yahan ek shajar muntazir sa bhi hai

    ab aaKHir kahan tak chala jaega

    main wo mishal-e-nim-shab hun 'amir'

    jise kal ka suraj bujha jaega

    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY