wo ishq mein mujhe tasKHir kar ke chhoDega
vo ishq meñ mujhe tasḳhīr kar ke chhoḌegā
galī galī mirī tash.hīr kar ke chhoḌegā
jo yuuñ qarīb rahā us kā māhtāb badan
mire vajūd ko tanvīr kar ke chhoḌegā
vo chhū rahā hai mirī ruuh ke asāsoñ ko
suḳhanvarī mirī jāgīr kar ke chhoḌegā
vo hijr baañT rahā hai tamām bastī meñ
isī davā hī ko iksīr kar ke chhoḌegā
jo merā naam shajar ke tane pe likhtā hai
kal us ko ret pe tahrīr kar ke chhoḌegā
vo shaḳhs jis kā tasarruf hai merī sāñsoñ par
vo dhaḌkanoñ ko bhī zanjīr kar ke chhoḌegā
mujhe yaqīn hai 'ātir' ki vo mirā qātil
mire mazār kī ta.amīr kar ke chhoḌegā
wo ishq mein mujhe tasKHir kar ke chhoDega
gali gali meri tashhir kar ke chhoDega
jo yun qarib raha us ka mahtab badan
mere wajud ko tanwir kar ke chhoDega
wo chhu raha hai meri ruh ke asason ko
suKHanwari meri jagir kar ke chhoDega
wo hijr banT raha hai tamam basti mein
isi dawa hi ko iksir kar ke chhoDega
jo mera nam shajar ke tane pe likhta hai
kal us ko ret pe tahrir kar ke chhoDega
wo shaKHs jis ka tasarruf hai meri sanson par
wo dhaDkanon ko bhi zanjir kar ke chhoDega
mujhe yaqin hai 'atir' ki wo mera qatil
mere mazar ki tamir kar ke chhoDega
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
