wo jab bhi pukarega yahan aan rahenge

vo jab bhī pukāregā yahāñ aan raheñge

ham ḳhāk-nashīñ be-sar-o-sāmān raheñge

hañgām-e-jahāñ tujh meñ pareshān raheñge

yā dasht-e-tilismāt meñ hairān raheñge

saaya bhī yahāñ duur zarā ham se chalegā

ye shahr hī aisā hai ki anjān raheñge

ai aql nahīñ ā.eñge bātoñ meñ tirī ham

nādān the nādān haiñ nādān raheñge

sun ḳhū-e-tarab shahr-e-nigārāñ kī taraf jā

ham ahl-e-junūñ sū-e-bayābān raheñge

wo jab bhi pukarega yahan aan rahenge

hum KHak-nashin be-sar-o-saman rahenge

hangam-e-jahan tujh mein pareshan rahenge

ya dasht-e-tilismat mein hairan rahenge

saya bhi yahan dur zara hum se chalega

ye shahr hi aisa hai ki anjaan rahenge

ai aql nahin aaenge baaton mein teri hum

nadan the nadan hain nadan rahenge

sun KHu-e-tarab shahr-e-nigaran ki taraf ja

hum ahl-e-junun su-e-bayaban rahenge