wo jab rang-e-pareshani ko KHalwat-gir dekhenge

vo jab rañg-e-pareshānī ko ḳhalvat-gīr dekheñge

to apne har tasavvur meñ mirī tasvīr dekheñge

sunā hai husn ko dah-chand kar detā hai ye shīsha

lagā kar apne dil meñ aap kī tasvīr dekheñge

vafā kā tazkira kyā ab to ye irshād hai un kā

ki tum naala karo ham garmī-e-tāsīr dekheñge

shikasta har kaḌī hai har kaḌī meñ dil ke TukḌe haiñ

baḌī ibrat se dīvāne mirī zanjīr dekheñge

ḳhayāl-e-hashar o fikr-e-nashr ai 'sīmāb' lā-hāsil

ki hai taqdīr meñ jo kuchh bahar-taqdīr dekheñge

wo jab rang-e-pareshani ko KHalwat-gir dekhenge

to apne har tasawwur mein meri taswir dekhenge

suna hai husn ko dah-chand kar deta hai ye shisha

laga kar apne dil mein aap ki taswir dekhenge

wafa ka tazkira kya ab to ye irshad hai un ka

ki tum nala karo hum garmi-e-tasir dekhenge

shikasta har kaDi hai har kaDi mein dil ke TukDe hain

baDi ibrat se diwane meri zanjir dekhenge

KHayal-e-hashar o fikr-e-nashr ai 'simab' la-hasil

ki hai taqdir mein jo kuchh bahar-taqdir dekhenge