wo jaise duniya chala raha hai

Neelam Malik

wo jaise duniya chala raha hai

Neelam Malik

MORE BYNeelam Malik

    vo jaise duniyā chalā rahā hai

    faqat kahe ko nibhā rahā hai

    ḳhudā jaane hai kyā irāda

    jo phir se ham ko milā rahā hai

    shurūa meñ kuchh jhijhak to hogī

    tavīl arsa ḳhafā rahā hai

    rachā ke sāñsoñ meñ merī ġhazleñ

    vo bāñsurī par sunā rahā hai

    nahīñ maiñ us se ḳhafā nahīñ huuñ

    jo shaḳhs mujh ko manā rahā hai

    tujhe mohabbat ne Das liyā

    ye niil sab kuchh batā rahā hai

    minute soī se bāñdh kar vo

    ghaḌī meñ ham ko ghumā rahā hai

    maiñ ek nāzir vo ik musavvir

    ka.ī manāzir dikhā rahā hai

    hai sāmne hasht-pahlū rasta

    har ik se gautam bulā rahā hai

    aqab meñ hai us ke mauj-e-sarkash

    habāb ko jo bachā rahā hai

    koī muḳhātab nahīñ thā is

    mirā suḳhan be sadā rahā hai

    maiñ sher kahne se Dar rahī huuñ

    ḳhayāl himmat bañdhā rahā hai

    wo jaise duniya chala raha hai

    faqat kahe ko nibha raha hai

    KHuda ka jaane hai kya irada

    jo phir se hum ko mila raha hai

    shurua mein kuchh jhijhak to hogi

    tawil arsa KHafa raha hai

    racha ke sanson mein meri ghazlen

    wo bansuri par suna raha hai

    nahin main us se KHafa nahin hun

    jo shaKHs mujh ko mana raha hai

    tujhe mohabbat ne Das liya na

    ye nil sab kuchh bata raha hai

    minute ki soi se bandh kar wo

    ghaDi mein hum ko ghuma raha hai

    main ek nazir wo ek musawwir

    kai manazir dikha raha hai

    hai samne hasht-pahlu rasta

    har ek se gautam bula raha hai

    aqab mein hai us ke mauj-e-sarkash

    habab ko jo bacha raha hai

    koi muKHatab nahin tha is ka

    mera suKHan be sada raha hai

    main sher kahne se Dar rahi hun

    KHayal himmat bandha raha hai

    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY