wo jhankar paida hai tar-e-nafas mein

Sher Singh Naaz Dehlvi

wo jhankar paida hai tar-e-nafas mein

Sher Singh Naaz Dehlvi

MORE BYSher Singh Naaz Dehlvi

    vo jhankār paidā hai tār-e-nafas meñ

    ki hai naġhma naġhma mirī dastaras meñ

    tasavvur bahāroñ meñ Duubā huā hai

    chaman maza mil rahā hai qafas meñ

    guloñ meñ ye sargoshiyāñ kis liye haiñ

    abhī aur rahnā paḌegā qafas meñ

    na jiinā hai jiinā na marnā hai marnā

    nirālī haiñ sab se mohabbat rasmeñ

    na dekhī kabhī ham ne gulshan sūrat

    taraste rahe zindagī bhar qafas meñ

    kaho ḳhvāh kuchh bhī magar sach to ye hai

    jo hote haiñ jhūTe vo khāte haiñ qasmeñ

    maiñ hone ko yuuñ to rihā ho gayā huuñ

    mirī ruuh ab tak hai lekin qafas meñ

    na girtā maiñ ai 'nāz' un nazar se

    dil apnā ye kam-baḳht hotā jo bas meñ

    wo jhankar paida hai tar-e-nafas mein

    ki hai naghma naghma meri dastaras mein

    tasawwur bahaaron mein Duba hua hai

    chaman ka maza mil raha hai qafas mein

    gulon mein ye sargoshiyan kis liye hain

    abhi aur rahna paDega qafas mein

    na jina hai jina na marna hai marna

    nirali hain sab se mohabbat ki rasmen

    na dekhi kabhi hum ne gulshan ki surat

    taraste rahe zindagi bhar qafas mein

    kaho KHwah kuchh bhi magar sach to ye hai

    jo hote hain jhuTe wo khate hain qasmen

    main hone ko yun to riha ho gaya hun

    meri ruh ab tak hai lekin qafas mein

    na girta main ai 'naz' un ki nazar se

    dil apna ye kam-baKHt hota jo bas mein

    RECITATIONS

    Nomaan Shauque

    Nomaan Shauque

    Nomaan Shauque

    wo jhankar paida hai tar-e-nafas mein Nomaan Shauque

    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY