vo jin ke pyaar meñ ham ḳhud ko haiñ bhulā.e hue
ġhazab hai dil vahī auroñ se haiñ lagā.e hue
kisī kā ġham haiñ kaleje se ham lagā.e hue
zamāna biit gayā ham ko muskurā.e hue
kisī kī kaise ho pahchān is zamāne meñ
ki asl chehra to hai aadmī chhupā.e hue
vo bār-e-ġham ki malā.ik jise uThā na sake
vo bār-e-ġham bhī hai zāt-e-bashar uThā.e hue
vo naag jis ne ki pīchhā kiyā thā kal merā
vo aaj phir hai ta.āqub meñ phan uThā.e hue
zabān hī nahīñ khultī ki hāl-e-dil kah duuñ
na jaane kab se 'nazar' baiThe haiñ vo aa.e hue
wo jin ke pyar mein hum KHud ko hain bhulae hue
ghazab hai dil wahi auron se hain lagae hue
kisi ka gham hain kaleje se hum lagae hue
zamana bit gaya hum ko muskurae hue
kisi ki kaise ho pahchan is zamane mein
ki asl chehra to hai aadmi chhupae hue
wo bar-e-gham ki malaik jise uTha na sake
wo bar-e-gham bhi hai zat-e-bashar uThae hue
wo nag jis ne ki pichha kiya tha kal mera
wo aaj phir hai taaqub mein phan uThae hue
zaban hi nahin khulti ki haal-e-dil kah dun
na jaane kab se 'nazar' baiThe hain wo aae hue
Additional information available
Click on the INTERESTING button to view additional information associated with this sher.
rare Unpublished content
This ghazal contains ashaar not published in the public domain. These are marked by a red line on the left.
