wo jis ka aks lahu ko jaga diya karta
vo jis kā aks lahū ko jagā diyā kartā
maiñ ḳhvāb ḳhvāb meñ us ko sadā diyā kartā
qarīb aatī jo tārīḳh us ke milne kī
vo apne va.ade kī muddat baḌhā diyā kartā
maiñ zindagī ke safar meñ thā mashġhala us kā
vo DhūñD DhūñD ke mujh ko gañvā diyā kartā
use sameTtā maiñ jab bhī ek nuqte meñ
vo mere dhyān meñ titlī uḌā diyā kartā
usī ke gaañv kī rāhoñ meñ baiTh kar har roz
maiñ dil kā haal havā ko sunā diyā kartā
mujhe vo aañkh meñ rakh kar 'shumār' pichhlī shab
ajab ḳhumār meñ palkeñ girā diyā kartā
na chheḌ mujh ko zamāna vo aur thā jis meñ
faqīr gaalī ke badle duā diyā kartā
wo jis ka aks lahu ko jaga diya karta
main KHwab KHwab mein us ko sada diya karta
qarib aati jo tariKH us ke milne ki
wo apne wade ki muddat baDha diya karta
main zindagi ke safar mein tha mashghala us ka
wo DhunD DhunD ke mujh ko ganwa diya karta
use sameTta main jab bhi ek nuqte mein
wo mere dhyan mein titli uDa diya karta
usi ke ganw ki rahon mein baiTh kar har roz
main dil ka haal hawa ko suna diya karta
mujhe wo aankh mein rakh kar 'shumar' pichhli shab
ajab KHumar mein palken gira diya karta
na chheD mujh ko zamana wo aur tha jis mein
faqir gali ke badle dua diya karta
Source:
ye aagaaz-e- muhabbat hai (Pg. 38)
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
