wo jitni der talak bazm mein raha mere sath

vo jitnī der talak bazm meñ rahā mire saath

bahut hī achchhā ravayya thā vaqt kā mire saath

jab us ne haamī bharī saath kī yaqīñ na huā

maiñ ek dam se ye kahne lagā ki kyā mire saath

maiñ tujh se milne yahī soch kar nahīñ aaya

ki hogā phir mire dil kā muqābla mire saath

agar tū chāhe mire saath chal pa yaad rahe

kisī ko hotā nahīñ vaise fā.eda mire saath

tū ḳhud hī jāntā hai jab sahīh aur ġhalat

to bhaa.ī aaya hī kyoñ karne mashvara mire saath

wo jitni der talak bazm mein raha mere sath

bahut hi achchha rawayya tha waqt ka mere sath

jab us ne hami bhari sath ki yaqin na hua

main ek dam se ye kahne laga ki kya mere sath

main tujh se milne yahi soch kar nahin aaya

ki hoga phir mere dil ka muqabla mere sath

agar tu chahe mere sath chal pa yaad rahe

kisi ko hota nahin waise faeda mere sath

tu KHud hi jaanta hai jab sahih aur ghalat

to bhai aaya hi kyon karne mashwara mere sath