aaj ik aur baras biit gayā us ke baġhair

jis ke hote hue hote the zamāne mere

CANCEL DOWNLOAD SHER

wo jo hoti thi faza-e-dastani le gaya

Rakhshan Hashmi

wo jo hoti thi faza-e-dastani le gaya

Rakhshan Hashmi

MORE BYRakhshan Hashmi

    vo jo hotī thī fazā-e-dāstānī le gayā

    ahd-e-nau ghar ghar se pariyoñ kahānī le gayā

    aur le jaatā bhī kyā TuuTe hue rishte dukh

    kāsa-e-dil se lahū āñkhoñ se paanī le gayā

    us ko jaanā thā chalā jaatā magar jaate hue

    chhīn kar mujh se vo apnī har nishānī le gayā

    kyuuñ nahīñ khilte ab āñkhoñ meñ ravādārī ke phuul

    kyā huā ye kaun rabt-e-darmiyānī le gayā

    vo qalandar the so un ko saarī duniyā ek thī

    chal diye uTh kar jahāñ bhī dāna-pānī le gayā

    ik nazar meñ kar diyā mas.hūr kyā sāhir thā vo

    munjamid kar ke mujhe merī ravānī le gayā

    us ke aage rañg jitne the vo phīke paḌ ga.e

    sab pe sabqat ek aks-e-za.afrānī le gayā

    jitne dukh aa.e miTāne ko hamīñ ḳhud miT ga.e

    kab koī 'raḳhshāñ' hamārī saḳht-jānī le gayā

    wo jo hoti thi faza-e-dastani le gaya

    ahd-e-nau ghar ghar se pariyon ki kahani le gaya

    aur le jata bhi kya TuTe hue rishte ka dukh

    kasa-e-dil se lahu aankhon se pani le gaya

    us ko jaana tha chala jata magar jate hue

    chhin kar mujh se wo apni har nishani le gaya

    kyun nahin khilte ab aankhon mein rawadari ke phul

    kya hua ye kaun rabt-e-darmiyani le gaya

    wo qalandar the so un ko sari duniya ek thi

    chal diye uTh kar jahan bhi dana-pani le gaya

    ek nazar mein kar diya mashur kya sahir tha wo

    munjamid kar ke mujhe meri rawani le gaya

    us ke aage rang jitne the wo phike paD gae

    sab pe sabqat ek aks-e-zafrani le gaya

    jitne dukh aae miTane ko hamin KHud miT gae

    kab koi 'raKHshan' hamari saKHt-jaani le gaya

    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY

    Jashn-e-Rekhta | 8-9-10 December 2023 - Major Dhyan Chand National Stadium, Near India Gate - New Delhi

    GET YOUR PASS
    Speak Now