wo juz kahani ka hum tak pahunch na paya hi ho

vo juz kahānī kā ham tak pahuñch na paayā hī ho

ḳhudā ne pahle bhī aadam se kuchh banāyā hī ho

utar na paayā ho vo jism-o-rūh meñ ik saath

talāsh karne vo hālāñki mujh ko aayā hī ho

lihāz-e-jism rakhe ruuh kis liye āḳhir

ki jism jis ne faqat ruuh ko satāyā hī ho

badal ga.e hoñ mafāhīm āñsuoñ ki mire

kisī se us ne mirā tarjuma karāyā hī ho

piTārā khol gunāhoñ kā apne dekh zarā

ki dil kisī kā kabhī kyā patā dukhāyā hī ho

ye koī aur ho tujh sā tire badan jaisā

ye tū na ho ke tirā jism-dār saaya hī ho

maiñ so rahā huuñ ki apnā koī surāġh mile

vo ḳhvāb meñ mujhe shāyad jagāne aayā hī ho

'amān' shor thā tum ne sunā nahīñ hogā

jab aa rahe ho kisī ne tumheñ bulāyā hī ho

wo juz kahani ka hum tak pahunch na paya hi ho

KHuda ne pahle bhi aadam se kuchh banaya hi ho

utar na paya ho wo jism-o-ruh mein ek sath

talash karne wo haalanki mujh ko aaya hi ho

lihaz-e-jism rakhe ruh kis liye aaKHir

ki jism jis ne faqat ruh ko sataya hi ho

badal gae hon mafahim aansuon ki mere

kisi se us ne mera tarjuma karaya hi ho

piTara khol gunahon ka apne dekh zara

ki dil kisi ka kabhi kya pata dukhaya hi ho

ye koi aur ho tujh sa tere badan jaisa

ye tu na ho ke tera jism-dar saya hi ho

main so raha hun ki apna koi suragh mile

wo KHwab mein mujhe shayad jagane aaya hi ho

'aman' shor tha tum ne suna nahin hoga

jab aa rahe ho kisi ne tumhein bulaya hi ho