wo kah rahe hain sunao koi tarana-e-ishq

vo kah rahe haiñ sunāo koī tarāna-e-ishq

kahāñ se lā.ūñ vo andāz-e-vālihāna-e-ishq

vo un kī chashm-e-karam par dil-o-nigāh kī qadr

vo un ke zulm pe jazbāt-e-bāġhiyāna-e-ishq

vo merī dard bharī arz iltijā-āmez

vo un kā tarz-e-takallum muġhā.irāna-e-ishq

vo ishq-e-rafta ke qisse vo pyaar kī bāteñ

phir un kā mujh se vo bartāv jārehāna-e-ishq

vo merī un se shikāyāt-e-jaur be-buniyād

vo un kī marhamat-e-ḳhās ġhā.ebāna-e-ishq

wo kah rahe hain sunao koi tarana-e-ishq

kahan se laun wo andaz-e-walihana-e-ishq

wo un ki chashm-e-karam par dil-o-nigah ki qadr

wo un ke zulm pe jazbaat-e-baghiyana-e-ishq

wo meri dard bhari arz iltija-amez

wo un ka tarz-e-takallum mughairana-e-ishq

wo ishq-e-rafta ke qisse wo pyar ki baaten

phir un ka mujh se wo bartaw jarehana-e-ishq

wo meri un se shikayat-e-jaur be-buniyaad

wo un ki marhamat-e-KHas ghaebana-e-ishq