wo kaj-nigah na wo kaj-shiar hai tanha

vo kaj-nigāh na vo kaj-shi.ār hai tanhā

bas ik payambar-e-jannat-nisār hai tanhā

na bulbuloñ kī azaañ hai na titliyoñ kā tavāf

abhī chaman meñ gul-e-nau-bahār hai tanhā

uThā.e minnat-e-sarsar ki nāz-e-bād-e-nasīm

har ek haal meñ sahrā shikār hai tanhā

falak nujūm se raushan zamīñ charāġhoñ se

hujūm-e-nūr meñ ik shām-e-tār hai tanhā

jamī hai bazm-e-masarrat ġhazāl-chashmoñ se

jise milī hai nazar ashk-bār hai tanhā

hamīñ ne ḳhema-e-hijrāñ meñ kaaT diiñ rāteñ

hamīñ ko fikr thī behad ki yaar hai tanhā

chahal-pahal hai bahut yuuñ to mai-kade meñ 'na.īm'

miyān-e-jām-o-subū bāda-ḳhvār hai tanhā

wo kaj-nigah na wo kaj-shiar hai tanha

bas ek payambar-e-jannat-nisar hai tanha

na bulbulon ki azan hai na titliyon ka tawaf

abhi chaman mein gul-e-nau-bahaar hai tanha

uThae minnat-e-sarsar ki naz-e-baad-e-nasim

har ek haal mein sahra shikar hai tanha

falak nujum se raushan zamin charaghon se

hujum-e-nur mein ek sham-e-tar hai tanha

jami hai bazm-e-masarrat ghazal-chashmon se

jise mili hai nazar ashk-bar hai tanha

hamin ne KHema-e-hijran mein kaT din raaten

hamin ko fikr thi behad ki yar hai tanha

chahal-pahal hai bahut yun to mai-kade mein 'naim'

miyan-e-jam-o-subu baada-KHwar hai tanha