wo kaun dair-nashin tha haram ke goshe mein
vo kaun dair-nashīñ thā haram ke goshe meñ
kis kī yaad thī yaad ḳhudā ke parde meñ
kaheñ to kis se kaheñ chup sī lag ga.ī hai hameñ
baḌā sukūñ hai tirī be-ruḳhī ke sadqe meñ
dikhā dikhā ke jhalak koī chhuptā jaatā thā
kahāñ kahāñ na sadā dī kisī ke dhoke meñ
ḳhabar nahīñ ki tirī yaad kyā tirā ġham kyā
magar vo dard jo hotā hai saañs lene meñ
tire firāq kī ye diin bhī qayāmat hai
kahāñ kī aag samo dī hai mere naġhme meñ
chalī thī kashtī-e-dil bādbān-e-yād ke saath
kahāñ utaar ga.ī ajnabī jazīre meñ
vo aadhī raat vo sunsān rāsta vo makāñ
vo ik sham.a sī jaltī huī darīche meñ
nasheb-e-vādī-e-ġham meñ utar gayā hai koī
khaḌā huā hai koī aaj tak jharoke meñ
hayāt kyā hai ajal ko bhī haar baiThe 'shāz'
kahīñ ke bhī na rahe naqd-e-dil ke saude meñ
wo kaun dair-nashin tha haram ke goshe mein
kis ki yaad thi yaad KHuda ke parde mein
kahen to kis se kahen chup si lag gai hai hamein
baDa sukun hai teri be-ruKHi ke sadqe mein
dikha dikha ke jhalak koi chhupta jata tha
kahan kahan na sada di kisi ke dhoke mein
KHabar nahin ki teri yaad kya tera gham kya
magar wo dard jo hota hai sans lene mein
tere firaq ki ye din bhi qayamat hai
kahan ki aag samo di hai mere naghme mein
chali thi kashti-e-dil baadban-e-yaad ke sath
kahan utar gai ajnabi jazire mein
wo aadhi raat wo sunsan rasta wo makan
wo ek shama si jalti hui dariche mein
nasheb-e-wadi-e-gham mein utar gaya hai koi
khaDa hua hai koi aaj tak jharoke mein
hayat kya hai ajal ko bhi haar baiThe 'shaz'
kahin ke bhi na rahe naqd-e-dil ke saude mein
Source:
Kulliyat-e-Shaz Tamkanat (Pg. 289)
- Author: Shaz Tamkanat
-
- Edition: 2004
- Publisher: Educational Publishing House
- Year of Publication: 2004
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.