wo kaun hai jo gali mein kab se sisak raha hai bula ke lao
wo kaun hai jo gali mein kab se sisak raha hai bula ke lao
Sharafat Sameer
MORE BYSharafat Sameer
vo kaun hai jo galī meñ kab se sisak rahā hai bulā ke laao
pukārtā bhī nahīñ kisī ko jhijhak rahā hai bulā ke laao
vo shahr bhar kā chahītā pāgal vo hañste rahnā hai jis kī aadat
vo aa.ine ko rakhe muqābil bilak rahā hai bulā ke laao
vo laḌkā jis kī ḳhamosh āñkhoñ meñ raaz kitne chhupe hue haiñ
junūñ meñ kyā kyā ajiib kalmāt bak rahā hai bulā ke laao
vo dar-haqīqat hai shāhzāda jo ik parī-rū pe mar-miTā hai
faqīr kā bhes le ke īdhar bhaTak rahā hai bulā ke laao
vo ek ġhuncha-e-gul thā pahle huā hai kyā us ke saath vo jo
ab ek ātish-kade ke jaisā dhadhak rahā hai bulā ke laao
wo kaun hai jo gali mein kab se sisak raha hai bula ke lao
pukarta bhi nahin kisi ko jhijhak raha hai bula ke lao
wo shahr bhar ka chahita pagal wo hanste rahna hai jis ki aadat
wo aaine ko rakhe muqabil bilak raha hai bula ke lao
wo laDka jis ki KHamosh aankhon mein raaz kitne chhupe hue hain
junun mein kya kya ajib kalmat bak raha hai bula ke lao
wo dar-haqiqat hai shahzada jo ek pari-ru pe mar-miTa hai
faqir ka bhes le ke idhar bhaTak raha hai bula ke lao
wo ek ghuncha-e-gul tha pahle hua hai kya us ke sath wo jo
ab ek aatish-kade ke jaisa dhadhak raha hai bula ke lao
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
