wo KHud KHabar hai magar apni kuchh KHabar bhi nahin

vo ḳhud ḳhabar hai magar apnī kuchh ḳhabar bhī nahīñ

sitam-zarīf ko ehsās-e-ḳhair-o-shar bhī nahīñ

yahāñ to sab ko ijāzat hai aane jaane kī

hamārā dil to vo ghar hai ki jis meñ dar hī nahīñ

ḳhabar yahī thī ki vo bad-dimāġh hai shāyad

jo jā ke dekhā ki kāñdhe pe us ke sar bhī nahīñ

bahār DhūñDne nikle the kis jagah pahuñche

kahāñ ke phuul kahāñ phal yahāñ shajar bhī nahīñ

jahāñ kā dard chhupā lete vā-e-majbūrī

hamāre paas jo hotā thā vo jigar bhī nahīñ

faqīr-e-ishq ko chāhat kī bhiik kyā miltī

ki shahr-e-zar meñ saḳhī-dātā ik bashar bhī nahīñ

wo KHud KHabar hai magar apni kuchh KHabar bhi nahin

sitam-zarif ko ehsas-e-KHair-o-shar bhi nahin

yahan to sab ko ijazat hai aane jaane ki

hamara dil to wo ghar hai ki jis mein dar hi nahin

KHabar yahi thi ki wo bad-dimagh hai shayad

jo ja ke dekha ki kandhe pe us ke sar bhi nahin

bahaar DhunDne nikle the kis jagah pahunche

kahan ke phul kahan phal yahan shajar bhi nahin

jahan ka dard chhupa lete wa-e-majburi

hamare pas jo hota tha wo jigar bhi nahin

faqir-e-ishq ko chahat ki bhik kya milti

ki shahr-e-zar mein saKHi-data ek bashar bhi nahin