wo KHwab hi sahi pesh-e-nazar to ab bhi hai

Ummeed Fazli

wo KHwab hi sahi pesh-e-nazar to ab bhi hai

Ummeed Fazli

MORE BYUmmeed Fazli

    vo ḳhvāb sahī pesh-e-nazar to ab bhī hai

    bichhaḌne vaalā sharīk-e-safar to ab bhī hai

    zabāñ burīda sahī maiñ ḳhizāñ-gazīda sahī

    harā-bharā mirā zaḳhm-e-hunar to ab bhī hai

    sunā thā ham ne ki mausam badal ga.e haiñ magar

    zamīñ se fāsla-e-abr-e-tar to ab bhī hai

    hamārī dar-badarī par na jā.iye ki hameñ

    shu.ūr-e-sāya-e-dīvār-o-dar to ab bhī hai

    havas ke daur meñ mamnūn-e-yād-e-yār haiñ ham

    ki yād-e-yār diloñ sipar to ab bhī hai

    kahāniyāñ haiñ agar mo'tabar to phir ik shaḳhs

    kahāniyoñ tarah mo'tabar to ab bhī hai

    hazār khīñch le sūraj hisār-e-abr magar

    kiran kiran pe giraft-e-nazar to ab bhī hai

    samundaroñ se zamīnoñ ko ḳhauf kyā ki umiid

    numū-pazīr zamīn-e-hunar to ab bhī hai

    magar ye kaun badaltī huī rutoñ se kahe

    shajar meñ saaya nahīñ hai shajar to ab bhī hai

    wo KHwab hi sahi pesh-e-nazar to ab bhi hai

    bichhaDne wala sharik-e-safar to ab bhi hai

    zaban burida sahi main KHizan-gazida sahi

    hara-bhara mera zaKHm-e-hunar to ab bhi hai

    suna tha hum ne ki mausam badal gae hain magar

    zamin se fasla-e-abr-e-tar to ab bhi hai

    hamari dar-badari par na jaiye ki hamein

    shuur-e-saya-e-diwar-o-dar to ab bhi hai

    hawas ke daur mein mamnun-e-yaad-e-yar hain hum

    ki yaad-e-yar dilon ki sipar to ab bhi hai

    kahaniyan hain agar mo'tabar to phir ek shaKHs

    kahaniyon ki tarah mo'tabar to ab bhi hai

    hazar khinch le suraj hisar-e-abr magar

    kiran kiran pe giraft-e-nazar to ab bhi hai

    samundaron se zaminon ko KHauf kya ki umid

    numu-pazir zamin-e-hunar to ab bhi hai

    magar ye kaun badalti hui ruton se kahe

    shajar mein saya nahin hai shajar to ab bhi hai

    Source :
    • Book : naquush (Pg. 236)
    • Edition : 1979
    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY