wo ki har ahd-e-mohabbat se mukarta jae

Alamtaab Tishna

wo ki har ahd-e-mohabbat se mukarta jae

Alamtaab Tishna

MORE BYAlamtaab Tishna

    vo ki har ahd-e-mohabbat se mukartā jaa.e

    dil vo zālim ki usī shaḳhs pe martā jaa.e

    mere pahlū meñ vo aayā bhī to ḳhushbū tarah

    maiñ use jitnā sameTūñ vo bikhartā jaa.e

    khulte jaa.eñ jo tire band-e-qabā zulf ke saath

    rañg-e-pairāhan-e-shab aur nikhartā jaa.e

    ishq narm-nigāhī se hinā hoñ ruḳhsār

    husn vo husn jo dekhe se nikhartā jaa.e

    kyuuñ na ham us ko dil-o-jān se chāheñ 'tishna'

    vo jo ik dushman-e-jāñ pyaar bhī kartā jaa.e

    wo ki har ahd-e-mohabbat se mukarta jae

    dil wo zalim ki usi shaKHs pe marta jae

    mere pahlu mein wo aaya bhi to KHushbu ki tarah

    main use jitna sameTun wo bikharta jae

    khulte jaen jo tere band-e-qaba zulf ke sath

    rang-e-pairahan-e-shab aur nikharta jae

    ishq ki narm-nigahi se hina hon ruKHsar

    husn wo husn jo dekhe se nikharta jae

    kyun na hum us ko dil-o-jaan se chahen 'tishna'

    wo jo ek dushman-e-jaan pyar bhi karta jae

    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY