wo lams lams mein paida zaban kar dega

vo lams lams meñ paidā zabān kar degā

ḳhamosh rah ke bhī ḳhud ko bayān kar degā

vo apnī zaat meñ rakhtā hai kīmiyā aisī

jo sang-dil hai use mehrbān kar degā

use kamāl-e-fan guftugū meñ hai aisā

zarā sī der meñ sach ko gumān kar degā

mujhe ḳhabar hai chhupā legā sāzisheñ apnī

haTā ke ḳhud ko mujhe darmiyān kar degā

ajab nahīñ ki mujhe sab se munqata.a kar ke

ḳhud apnī samt hī vo merā dhyān kar degā

agar baḌhātā rahā jism meñ tapish yūñhī

jalā ke mere lahū ko duḳhān kar degā

vo rafta-rafta agar dil pe ho gayā qābiz

to phir na sochnā ḳhālī makān kar degā

kabhī jo mauj meñ aaya to dekhnā us ko

mire hī haath meñ apnī kamān kar degā

badan hai us kā kisī husn kī luġhat 'ātir'

ġhalat paḌhā to talaffuz bayān kar degā

wo lams lams mein paida zaban kar dega

KHamosh rah ke bhi KHud ko bayan kar dega

wo apni zat mein rakhta hai kimiya aisi

jo sang-dil hai use mehrban kar dega

use kamal-e-fan guftugu mein hai aisa

zara si der mein sach ko guman kar dega

mujhe KHabar hai chhupa lega sazishen apni

haTa ke KHud ko mujhe darmiyan kar dega

ajab nahin ki mujhe sab se munqata kar ke

KHud apni samt hi wo mera dhyan kar dega

agar baDhata raha jism mein tapish yunhi

jala ke mere lahu ko duKHan kar dega

wo rafta-rafta agar dil pe ho gaya qabiz

to phir na sochna KHali makan kar dega

kabhi jo mauj mein aaya to dekhna us ko

mere hi hath mein apni kaman kar dega

badan hai us ka kisi husn ki lughat 'atir'

ghalat paDha to talaffuz bayan kar dega