wo mahfilen wo misr ke bazar kya hue

Zaheer Kashmiri

wo mahfilen wo misr ke bazar kya hue

Zaheer Kashmiri

MORE BYZaheer Kashmiri

    vo mahfileñ vo misr ke bāzār kyā hue

    ai shahr-e-dil tire dar-o-dīvār kyā hue

    Dasne lagī haiñ ham ko zamāne raunaqeñ

    ham jurm-e-āshiqī ke sazā-vār kyā hue

    itnī gurez-pā to na thī umr-e-dostī

    ai ḳhanda-e-ḳhafī tire iqrār kyā hue

    phūloñ ne baḌh ke paañv meñ zanjīr Daal

    vāraftagī meñ mā.il-e-gulzār kyā hue

    jin jamāl jannat-e-qalb-o-nazar rahā

    vo ham-nashīñ vo yār-e-tarah-dār kyā hue

    ham is tarah to yūsuf-e-be-kārvāñ na the

    ai dil batā tire ġham-ḳhvār kyā hue

    ummīd-e-vasl-e-yār meñ shab kaaT to kyā

    din Dhal gayā to niiñd se bedār kyā hue

    aane se un ke Dūbtī nabzeñ sambhal ga.iiñ

    āsān marhale mire dushvār kyā hue

    wo mahfilen wo misr ke bazar kya hue

    ai shahr-e-dil tere dar-o-diwar kya hue

    Dasne lagi hain hum ko zamane ki raunaqen

    hum jurm-e-ashiqi ke saza-war kya hue

    itni gurez-pa to na thi umr-e-dosti

    ai KHanda-e-KHafi tere iqrar kya hue

    phulon ne baDh ke panw mein zanjir Dal di

    waraftagi mein mail-e-gulzar kya hue

    jin ka jamal jannat-e-qalb-o-nazar raha

    wo ham-nashin wo yar-e-tarah-dar kya hue

    hum is tarah to yusuf-e-be-karwan na the

    ai dil tu hi bata tere gham-KHwar kya hue

    ummid-e-wasl-e-yar mein shab kaT di to kya

    din Dhal gaya to nind se bedar kya hue

    aane se un ke Dubti nabzen sambhal gain

    aasan marhale mere dushwar kya hue

    Tagged Under

    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY