wo mera dost hai aur mujhse wasta bhi nahin

Nafas Ambalvi

wo mera dost hai aur mujhse wasta bhi nahin

Nafas Ambalvi

MORE BYNafas Ambalvi

    vo merā dost hai aur mujh se vāsta bhī nahīñ

    jo qurbateñ bhī nahīñ haiñ to fāslā bhī nahīñ

    kise ḳhabar thī ki us dasht se guzarnā hai

    jahāñ se lauT ke aane rāsta bhī nahīñ

    kabhī jo phuuT ke ro le to chain jaa.e

    magar ye dil mire pairoñ aabla bhī nahīñ

    sunā hai vo bhī mire qatl meñ mulavvis hai

    vo bevafā hai magar itnā bevafā bhī nahīñ

    vo so sakā na jise chhīn kar kabhī mujh se

    maiñ us zamīn ke baare meñ sochtā bhī nahīñ

    sunā thā shahr meñ har tumhārā charchā hai

    yahāñ to koī 'nafas' tum ko jāntā bhī nahīñ

    wo mera dost hai aur mujh se wasta bhi nahin

    jo qurbaten bhi nahin hain to fasla bhi nahin

    kise KHabar thi ki us dasht se guzarna hai

    jahan se lauT ke aane ka rasta bhi nahin

    kabhi jo phuT ke ro le to chain pa jae

    magar ye dil mere pairon ka aabla bhi nahin

    suna hai wo bhi mere qatl mein mulawwis hai

    wo bewafa hai magar itna bewafa bhi nahin

    wo so saka na jise chhin kar kabhi mujh se

    main us zamin ke bare mein sochta bhi nahin

    suna tha shahr mein har su tumhaara charcha hai

    yahan to koi 'nafas' tum ko jaanta bhi nahin

    Source :
    • Book : Mujalla Dastavez (Pg. 655)
    • Author : Aziz Nabeel
    • Publication : Edarah Dastavez (2013-14)
    • Edition : 2013-14
    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY