aaj ik aur baras biit gayā us ke baġhair

jis ke hote hue hote the zamāne mere

CANCEL DOWNLOAD SHER

wo mere dil ke talabgar nazar aate hain

Sahir Hoshiyarpuri

wo mere dil ke talabgar nazar aate hain

Sahir Hoshiyarpuri

MORE BYSahir Hoshiyarpuri

    vo mire dil ke talabgār nazar aate haiñ

    shādmānī ke ab āsār nazar aate haiñ

    jo mire naam se bezār nazar aate the

    ab vahī dil ke talabgār nazar aate haiñ

    ab mohabbat ke parastār kahāñ ai saaqī

    sab mohabbat ke ḳharīdār nazar aate haiñ

    ab ke gulshan meñ ajab rañg se aa.ī hai bahār

    shāḳh-e-gul par bhī hameñ ḳhaar nazar aate haiñ

    haa.e ummīd pāband-e-karam ho jaanā

    aaj ham ziist se bezār nazar aate haiñ

    hashr meñ kis se karūñ kis shikāyat ai dil

    sab usī but ke taraf-dār nazar aate haiñ

    ḳhud manāne ko jinheñ rahmat-e-haq aa.ī hai

    ūñche darje ke gunāhgār nazar aate haiñ

    ye hai mai-ḳhāna to phir aaj se merī tauba

    sab yahāñ zāhid-o-dīñ-dār nazar aate haiñ

    us begāna-ravī ye fusūñ to dekho

    aaj ahbāb bhī aġhyār nazar aate haiñ

    phir vo mā.il-ba-karam hone lage haiñ 'sāhir'

    phir ġham-o-rañj ke āsār nazar aate haiñ

    wo mere dil ke talabgar nazar aate hain

    shadmani ke ab aasar nazar aate hain

    jo mere nam se bezar nazar aate the

    ab wahi dil ke talabgar nazar aate hain

    ab mohabbat ke parastar kahan ai saqi

    sab mohabbat ke KHaridar nazar aate hain

    ab ke gulshan mein ajab rang se aai hai bahaar

    shaKH-e-gul par bhi hamein KHar nazar aate hain

    hae ummid ka paband-e-karam ho jaana

    aaj hum zist se bezar nazar aate hain

    hashr mein kis se karun kis ki shikayat ai dil

    sab usi but ke taraf-dar nazar aate hain

    KHud manane ko jinhen rahmat-e-haq aai hai

    unche darje ke gunahgar nazar aate hain

    ye hai mai-KHana to phir aaj se meri tauba

    sab yahan zahid-o-din-dar nazar aate hain

    us ki begana-rawi ka ye fusun to dekho

    aaj ahbab bhi aghyar nazar aate hain

    phir wo mail-ba-karam hone lage hain 'sahir'

    phir gham-o-ranj ke aasar nazar aate hain

    Source:

    Sehr-e-Naghma (Pg. 41)

    • Author: Sahir Hoshiyarpuri
      • Publisher: Sandeep Publications, Delhi
    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY

    Jashn-e-Rekhta | 8-9-10 December 2023 - Major Dhyan Chand National Stadium, Near India Gate - New Delhi

    GET YOUR PASS
    Speak Now