wo mere hote kisi aur ko chahen had hai

vo mire hote kisī aur ko chāheñ had hai

mujh ko dānista sar-e-bazm jalā.eñ had hai

toḌ deñ 'ahd-e-vafā vo to koī jurm nahīñ

ham pe lāzim hai bahar-hāl nibhā.eñ had hai

jab bhī jī chāhe vo bas jaa.eñ nigāhoñ meñ mirī

pher leñ phir dil-e-muztar se nigāheñ had hai

nīm-jāñ pahle se huuñ jalva-e-jānāñ kī qasam

vo haTāte bhī nahīñ mujh se nigāheñ had hai

ḳhud jo 'aarī haiñ mohabbat ke har ik pahlū se

ham ko ādāb-e-mohabbat vo sikhā.eñ had hai

vo hameñ chāheñ na chāheñ ye hai un kī marzī

un kī ye zid hai magar ham unheñ chāheñ had hai

apne vā'doñ kā jinheñ paas nahīñ vo 'maz.har'

'ahd-o-paimāñ kā sabaq ham ko paḌhā.eñ had hai

wo mere hote kisi aur ko chahen had hai

mujh ko danista sar-e-bazm jalaen had hai

toD den 'ahd-e-wafa wo to koi jurm nahin

hum pe lazim hai bahar-haal nibhaen had hai

jab bhi ji chahe wo bas jaen nigahon mein meri

pher len phir dil-e-muztar se nigahen had hai

nim-jaan pahle se hun jalwa-e-jaanan ki qasam

wo haTate bhi nahin mujh se nigahen had hai

KHud jo 'ari hain mohabbat ke har ek pahlu se

hum ko aadab-e-mohabbat wo sikhaen had hai

wo hamein chahen na chahen ye hai un ki marzi

un ki ye zid hai magar hum unhen chahen had hai

apne wa'don ka jinhen pas nahin wo 'mazhar'

'ahd-o-paiman ka sabaq hum ko paDhaen had hai