wo meri dost wo hamdard wo gham-KHwar aankhen

Ali Sardar Jafri

wo meri dost wo hamdard wo gham-KHwar aankhen

Ali Sardar Jafri

MORE BYAli Sardar Jafri

    vo mirī dost vo hamdard vo ġham-ḳhvār āñkheñ

    ek ma.asūm mohabbat gunahgār āñkheñ

    shoḳh-o-shādāb-o-hasīñ sāda-o-purkār āñkheñ

    mast-o-sarshār-o-javāñ be-ḳhud-o-hoshiyār āñkheñ

    tirchhī nazroñ meñ vo uljhī huī sūraj kiran

    apne duzdīda ishāroñ meñ giraftār āñkheñ

    jumbish-e-abrū-o-mizhgāñ kai ḳhunuk saa.e meñ

    ātish-afroz junūñ-ḳhez sharar-bār āñkheñ

    kaifiyat dil sunātī huī ek ek nigāh

    be-zabāñ ho ke bhī vo mā.il-e-guftār āñkheñ

    mausam-e-gul meñ vo uḌte hue bhauñroñ tarah

    ġhuncha-e-dil pe vo kartī huī yalġhār āñkheñ

    kabhī chhalkī huī sharbat ke kaToroñ tarah

    aur kabhī zahr meñ Duubī huī talvār āñkheñ

    kabhī Thahrī huī yaḳh-basta ġhamoñ jhīleñ

    kabhī sahmā huā simTā huā ik pyaar āñkheñ

    kabhī jhukte hue bādal kabhī girtī bijlī

    kabhī uThtī huī āmāda-e-paikār āñkheñ

    nok-e-abrū meñ kabhī talḳhī-e-inkār liye

    kabhī ghole hue shīrīnī-e-iqrār āñkheñ

    aañch meñ apnī javānī sulagtī chitvan

    shabnam-e-ashk meñ dhoī huī gulnār āñkheñ

    husn ke chāñd se mukhḌe pe chamakte taare

    haa.e āñkheñ vo harīf-e-lab-o-ruḳhsār āñkheñ

    ishva-o-ġhamza-o-andāz-o-adā par nāzāñ

    apne pindār-e-javānī parastār āñkheñ

    ruuh ko rog mohabbat lagā detī haiñ

    sehat-e-dil jo atā kartī haiñ bīmār āñkheñ

    sehn-e-zindāñ meñ hai phir raat ke tāroñ hujūm

    sham.a tarah farozāñ sar-e-dīvār āñkheñ

    wo meri dost wo hamdard wo gham-KHwar aankhen

    ek masum mohabbat ki gunahgar aankhen

    shoKH-o-shadab-o-hasin sada-o-purkar aankhen

    mast-o-sarshaar-o-jawan be-KHud-o-hoshiyar aankhen

    tirchhi nazron mein wo uljhi hui suraj ki kiran

    apne duzdida ishaaron mein giraftar aankhen

    jumbish-e-abru-o-mizhgan kai KHunuk sae mein

    aatish-afroz junun-KHez sharar-bar aankhen

    kaifiyat dil ki sunati hui ek ek nigah

    be-zaban ho ke bhi wo mail-e-guftar aankhen

    mausam-e-gul mein wo uDte hue bhaunron ki tarah

    ghuncha-e-dil pe wo karti hui yalghaar aankhen

    kabhi chhalki hui sharbat ke kaToron ki tarah

    aur kabhi zahr mein Dubi hui talwar aankhen

    kabhi Thahri hui yaKH-basta ghamon ki jhilen

    kabhi sahma hua simTa hua ek pyar aankhen

    kabhi jhukte hue baadal kabhi girti bijli

    kabhi uThti hui aamada-e-paikar aankhen

    nok-e-abru mein kabhi talKHi-e-inkar liye

    kabhi ghole hue shirini-e-iqrar aankhen

    aanch mein apni jawani ki sulagti chitwan

    shabnam-e-ashk mein dhoi hui gulnar aankhen

    husn ke chand se mukhDe pe chamakte tare

    hae aankhen wo harif-e-lab-o-ruKHsar aankhen

    ishwa-o-ghamza-o-andaz-o-ada par nazan

    apne pindar-e-jawani ki parastar aankhen

    ruh ko rog mohabbat ka laga deti hain

    sehat-e-dil jo ata karti hain bimar aankhen

    sehn-e-zindan mein hai phir raat ke taron ka hujum

    shama ki tarah farozan sar-e-diwar aankhen

    Source :
    • Book : Kulliyat-e-Ali Sardar Jafri Vol.II (Pg. 159)
    • Author : Ali Ahmad Fatmi
    • Publication : Qaumi Council Baray-e-farog Urdu Zaban, New Delhi (2005)
    • Edition : 2005
    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY
    Speak Now