wo mujhko aazmane wale kya hue

vo mujh ko āzmāne vaale kyā hue

mujhe lahū rulāne vaale kyā hue

mirī ḳhatā batāne vaale kyā hue

mujhe sazā sunāne vaale kyā hue

vo nafratoñ ke qāfiloñ ke darmiyāñ

mohabbateñ luTāne vaale kyā hue

zamīn pūchhtī hai āsmān se

vo inqalāb laane vaale kyā hue

jigar pe zaḳhm haiñ na.e-na.e sabhī

jo zaḳhm the purāne vaale kyā hue

judā na hoñge mujh se is daroġh kā

mujhe yaqīñ dilāne vaale kyā hue

ye rāste meñ aane vaale log haiñ

vo rāsta dikhāne vaale kyā hue

ye mujh se duur jaane vaale kaun haiñ

mire qarīb aane vaale kyā hue

jo mujh ko kah rahe the haar jā.egā

yahīñ to the zamāne vaale kyā hue

kahāñ se aa base haiñ ye daroġh-go

jahāñ ko sach batāne vaale kyā hue

ujaaḌ mai-kade se pūchhiye koī

vo piine aur pilāne vaale kyā hue

wo mujh ko aazmane wale kya hue

mujhe lahu rulane wale kya hue

meri KHata batane wale kya hue

mujhe saza sunane wale kya hue

wo nafraton ke qafilon ke darmiyan

mohabbaten luTane wale kya hue

zamin puchhti hai aasman se

wo inqalab lane wale kya hue

jigar pe zaKHm hain nae-nae sabhi

jo zaKHm the purane wale kya hue

juda na honge mujh se is darogh ka

mujhe yaqin dilane wale kya hue

ye raste mein aane wale log hain

wo rasta dikhane wale kya hue

ye mujh se dur jaane wale kaun hain

mere qarib aane wale kya hue

jo mujh ko kah rahe the haar jaega

yahin to the zamane wale kya hue

kahan se aa base hain ye darogh-go

jahan ko sach batane wale kya hue

ujaD mai-kade se puchhiye koi

wo pine aur pilane wale kya hue