wo mujhko mangta hai zebai chahta hai

vo mujh ko māñgtā hai zebā.ī chāhtā hai

mere ḳhilāf mujh se paspā.ī chāhtā hai

hogī qubūl lekin ye shart lāzmī hai

maqbūliyat kī ḳhātir gahrā.ī chāhtā hai

sahrā kī chhāntā hai vo ḳhaak ḳhaak zarra

ik ajnabī sā ġham hai rusvā.ī chāhtā hai

makr-o-fareb le kar har shaḳhs dekhtā hai

dil sab se bhar gayā hai tanhā.ī chāhtā hai

dil dekhtā rahā hai us paar kā sitāra

is paar dekhne ko bīnā.ī chāhtā hai

bikhre hue paḌe haiñ reze vajūd ke hī

simTe na phir kabhī ye harjā.ī chāhtā hai

is naḳhl-e-dostāñ pe gul haiñ khile hue jo

ḳhushbū-e-gulsitāñ kī sachchā.ī chāhtā hai

wo mujh ko mangta hai zebai chahta hai

mere KHilaf mujh se paspai chahta hai

hogi qubul lekin ye shart lazmi hai

maqbuliyat ki KHatir gahrai chahta hai

sahra ki chhanta hai wo KHak KHak zarra

ek ajnabi sa gham hai ruswai chahta hai

makr-o-fareb le kar har shaKHs dekhta hai

dil sab se bhar gaya hai tanhai chahta hai

dil dekhta raha hai us par ka sitara

is par dekhne ko binai chahta hai

bikhre hue paDe hain reze wajud ke hi

simTe na phir kabhi ye harjai chahta hai

is naKHl-e-dostan pe gul hain khile hue jo

KHushbu-e-gulsitan ki sachchai chahta hai