wo na pahchane ye KHadsha sa lagta rahta hai
vo na pahchāne ye ḳhadsha sā lagtā rahtā hai
ruḳh pe us ke nayā chehra sā lagā rahtā hai
apne ghar meñ bhī to hai chain se sonā mushkil
chhat na gir jaa.e ye khaTkā sā lagā rahtā hai
vo zamīñ ḳhaak ugā.egī adāvat ke sivā
pyaar par jis jagah pahra sā lagā rahtā hai
bhiiḌ chhaTtī nahīñ is kalba-e-ahzāñ se kabhī
ārzūeñ haiñ ki mela sā lagā rahtā hai
saaf kitnā hī kareñ dāman-e-qātil ko halīf
lauh-e-tārīḳh pe dhabbā sā lagā rahtā hai
tere aane kī ḳhushī bhī nahīñ hotī 'partav'
tū chalā jā.egā dhaḌkā sā lagā rahtā hai
wo na pahchane ye KHadsha sa lagta rahta hai
ruKH pe us ke naya chehra sa laga rahta hai
apne ghar mein bhi to hai chain se sona mushkil
chhat na gir jae ye khaTka sa laga rahta hai
wo zamin KHak ugaegi adawat ke siwa
pyar par jis jagah pahra sa laga rahta hai
bhiD chhaTti nahin is kalba-e-ahzan se kabhi
aarzuen hain ki mela sa laga rahta hai
saf kitna hi karen daman-e-qatil ko halif
lauh-e-tariKH pe dhabba sa laga rahta hai
tere aane ki KHushi bhi nahin hoti 'partaw'
tu chala jaega dhaDka sa laga rahta hai
Source:
Rooh-e-Ghazal,Pachas Sala Intekhab (Pg. 366)
-
- Edition: 1993
- Publisher: Anjuman-e-Rooh-e-Adab, Allahabad
- Year of Publication: 1993
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
