wo nahin mera magar hai rabta apni jagah
vo nahīñ merā magar hai rābta apnī jagah
hai vafā ke us safar kī intihā apnī jagah
ab taqāzā kyoñ karūñ terī 'ināyat kā bhī maiñ
iltijā to hai munāsib go sila apnī jagah
ik zamāne se huā thā un kī chāhat kā bharam
karvaTeñ letī rahī lekin du'ā apnī jagah
un se kahte ham magar kuchh hoñT aise sil ga.e
un ko kho dene kā Dar thā go anā apnī jagah
vo to uḌtā rah gayā hai ḳhushbū-e-gul meñ magar
pyaar kī sarhad pe zinda hai 'sabā' apnī jagah
wo nahin mera magar hai rabta apni jagah
hai wafa ke us safar ki intiha apni jagah
ab taqaza kyon karun teri 'inayat ka bhi main
iltija to hai munasib go sila apni jagah
ek zamane se hua tha un ki chahat ka bharam
karwaTen leti rahi lekin du'a apni jagah
un se kahte hum magar kuchh honT aise sil gae
un ko kho dene ka Dar tha go ana apni jagah
wo to uDta rah gaya hai KHushbu-e-gul mein magar
pyar ki sarhad pe zinda hai 'saba' apni jagah
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
