wo naqd-e-jaan aur wo bazar kya hue

vo naqd-e-jān aur vo bāzār kyā hue

ai shahr-e-mīr tere ḳharīdār kyā hue

yārān-e-kaj-kulāhī kī sohbat kahāñ ga.ī

bālā-e-bām abrū-e-ḳhamdār kyā hue

vo naġhma-ḳhvān-e-bād-e-bahārī kidhar ga.e

āshuftagān-e-nargis-e-bīmār kyā hue

vo hunar-e-inqalāb kā mausam kahāñ gayā

vo āsmāñ pe abr-e-guhar-bār kyā hue

vo ilm-o-āgahī ke muhāfiz kidhar ga.e

zulmat-kade meñ nuur ke mīnār kyā hue

āsāñ thā jin ke dam se kaḌī dhuup kā safar

vo shāh-rāh-e-zīst ke ashjār kyā hue

jo the hamāre shahr kī pahchān ai 'niyāz'

vo sāhibān-e-jubba-o-dastār kyā hue

wo naqd-e-jaan aur wo bazar kya hue

ai shahr-e-mir tere KHaridar kya hue

yaran-e-kaj-kulahi ki sohbat kahan gai

baala-e-baam abru-e-KHamdar kya hue

wo naghma-KHwan-e-baad-e-bahaari kidhar gae

aashuftagan-e-nargis-e-bimar kya hue

wo hunar-e-inqalab ka mausam kahan gaya

wo aasman pe abr-e-guhar-bar kya hue

wo ilm-o-agahi ke muhafiz kidhar gae

zulmat-kade mein nur ke minar kya hue

aasan tha jin ke dam se kaDi dhup ka safar

wo shah-rah-e-zist ke ashjar kya hue

jo the hamare shahr ki pahchan ai 'niyaz'

wo sahiban-e-jubba-o-dastar kya hue