aaj ik aur baras biit gayā us ke baġhair

jis ke hote hue hote the zamāne mere

CANCEL DOWNLOAD SHER

wo pahle andhe kuen mein girae jate hain

Fakhr Zaman

wo pahle andhe kuen mein girae jate hain

Fakhr Zaman

MORE BYFakhr Zaman

    vo pahle andhe kueñ meñ girā.e jaate haiñ

    jo sañg shīshe ke ghar meñ sajā.e jaate haiñ

    ajiib rasm hai yaaro tumhārī mahfil meñ

    diye jalāne se pahle bujhā.e jaate haiñ

    hamārī soch ne karvaT ye kaisī badlī hai

    ham apnī aag meñ ḳhud ko jalā.e jaate haiñ

    baḌā zor hai is baar meñh ke qatroñ meñ

    ki pattharoñ pe bhī ghaav lagā.e jaate haiñ

    na.e tarīq se barsāt ab ke aa.ī hai

    ki log ret ke ghar bhī banā.e jaate haiñ

    hamārī raakh se uTThegā ik nayā insāñ

    isī ḳhayāl se ḳhud ko jalā.e jaate haiñ

    kisī shajar se koī saañp gir ke kaaT na le

    ham aaj aag saroñ par uThā.e jaate haiñ

    jo diip apne lahū se jalā.e the ham ne

    vo ek phūñk se un ko bujhā.e jaate haiñ

    hamārā jism hai saa.e meñ dhuup sar par hai

    baḌe hunar se vo rauzan banā.e jaate haiñ

    kuchh aise 'faḳhr' chaman nizām badlā hai

    baġhair aab ke paude ugaa.e jaate haiñ

    wo pahle andhe kuen mein girae jate hain

    jo sang shishe ke ghar mein sajae jate hain

    ajib rasm hai yaro tumhaari mahfil mein

    diye jalane se pahle bujhae jate hain

    hamari soch ne karwaT ye kaisi badli hai

    hum apni aag mein KHud ko jalae jate hain

    baDa hi zor hai is bar meinh ke qatron mein

    ki pattharon pe bhi ghaw lagae jate hain

    nae tariq se barsat ab ke aai hai

    ki log ret ke ghar bhi banae jate hain

    hamari rakh se uTThega ek naya insan

    isi KHayal se KHud ko jalae jate hain

    kisi shajar se koi sanp gir ke kaT na le

    hum aaj aag saron par uThae jate hain

    jo dip apne lahu se jalae the hum ne

    wo ek phunk se un ko bujhae jate hain

    hamara jism hai sae mein dhup sar par hai

    baDe hunar se wo rauzan banae jate hain

    kuchh aise 'faKHr' chaman ka nizam badla hai

    baghair aab ke paude ugae jate hain

    Source:

    Zehrab (Pg. 17)

    • Author: Fakhrezaman
      • Edition: 1968
      • Publisher: Idarah Eshat-e-adab, Gujrat
      • Year of Publication: 1968
    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY

    Jashn-e-Rekhta | 8-9-10 December 2023 - Major Dhyan Chand National Stadium, Near India Gate - New Delhi

    GET YOUR PASS
    Speak Now