wo pahle fikr ko harf-e-kamal deta hai

vo pahle fikr ko harf-e-kamāl detā hai

phir āgahī se suḳhan ko ujaal detā hai

mujhī ko log bahut saḳht-jāñ samajhte haiñ

mujhī pe har koī patthar uchhāl detā hai

vo aks ban ke utartā hai jab bhī āñkhoñ meñ

tamām aa.ine dil ke ujaal detā hai

mohabbatoñ kā use merī e'tibār nahīñ

magar raqīboñ ko merī misāl detā hai

kisī ko phuul se lagte haiñ ishq meñ patthar

kisī ko tesha bhī shauq-e-visāl detā hai

'suḳhan' hayāt meñ kuchh aise moḌ aate haiñ

har ek lamha ḳhushī kā malāl detā hai

wo pahle fikr ko harf-e-kamal deta hai

phir aagahi se suKHan ko ujal deta hai

mujhi ko log bahut saKHt-jaan samajhte hain

mujhi pe har koi patthar uchhaal deta hai

wo aks ban ke utarta hai jab bhi aankhon mein

tamam aaine dil ke ujal deta hai

mohabbaton ka use meri e'tibar nahin

magar raqibon ko meri misal deta hai

kisi ko phul se lagte hain ishq mein patthar

kisi ko tesha bhi shauq-e-visal deta hai

'suKHan' hayat mein kuchh aise moD aate hain

har ek lamha KHushi ka malal deta hai