wo pahli jaisi wahshaten wo haal hi nahin raha

vo pahlī jaisī vahshateñ vo haal hī nahīñ rahā

ki ab to shauq rāhat-e-visāl hī nahīñ rahā

tamām hasrateñ har ik savāl dafn kar chuke

hamāre paas ab koī savāl hī nahīñ rahā

talāsh-e-rizq meñ ye shaam is tarah guzar ga.ī

koī hai apnā muntazir ḳhayāl hī nahīñ rahā

in aate jaate roz-o-shab ki gardishoñ ko dekh kar

kisī ke hijr kā koī malāl hī nahīñ rahā

hamārā kyā banegā kuchh na kuchh to is pe sochte

magar kabhī hameñ ġham-e-ma.āl hī nahīñ rahā

tumhāre ḳhāl-o-ḳhad pe ik kitāb likh rahe the ham

magar tumhārā husn be-misāl hī nahīñ rahā

sañvārtā nikhārtā maiñ kaise apne aap ko

tumhāre baad apnā kuchh ḳhayāl hī nahīñ rahā

zarā sī baat se diloñ meñ itnā farq aa gayā

ta.alluqāt kā to phir savāl hī nahīñ rahā

wo pahli jaisi wahshaten wo haal hi nahin raha

ki ab to shauq rahat-e-visal hi nahin raha

tamam hasraten har ek sawal dafn kar chuke

hamare pas ab koi sawal hi nahin raha

talash-e-rizq mein ye sham is tarah guzar gai

koi hai apna muntazir KHayal hi nahin raha

in aate jate roz-o-shab ki gardishon ko dekh kar

kisi ke hijr ka koi malal hi nahin raha

hamara kya banega kuchh na kuchh to is pe sochte

magar kabhi hamein gham-e-maal hi nahin raha

tumhaare KHal-o-KHad pe ek kitab likh rahe the hum

magar tumhaara husn be-misal hi nahin raha

sanwarta nikhaarta main kaise apne aap ko

tumhaare baad apna kuchh KHayal hi nahin raha

zara si baat se dilon mein itna farq aa gaya

talluqat ka to phir sawal hi nahin raha