aaj ik aur baras biit gayā us ke baġhair

jis ke hote hue hote the zamāne mere

CANCEL DOWNLOAD SHER

wo pairahan-e-jaan mein jaan hajla-e-tan mein

Ismail Merathi

wo pairahan-e-jaan mein jaan hajla-e-tan mein

Ismail Merathi

MORE BYIsmail Merathi

    vo pairahan-e-jān meñ jaañ hajla-e-tan meñ

    huuñ vahm-e-judā.ī se ajab rañj-o-mehan meñ

    maqsūd ziyārat hai agar ka.aba-e-dil

    ho garm-e-safar nāhiya-e-mulk-e-vatan meñ

    vo qāmat-e-dilkash hai ajab fitna-e-ālam

    chhuptā nahīñ pairahan-e-naud-kuhan meñ

    ai sham.a bahā ashk chhupā rāz-e-mohabbat

    ḳhākistar-e-parvāna hai betāb lagan meñ

    shorish mirī bejā hai na fariyād nikammī

    raunaq hai zarā nāla-e-bulbul se chaman meñ

    tāsīr ho kyā ḳhaak jo bātoñ meñ ghaḌat ho

    kuchh baat nikaltī hai to be-sāḳhta-pan meñ

    kam-tar hai do o daam se insāñ ba-marātib

    har dam jo taraqqī na kare chāl-chalan meñ

    huuñ maiñ to vahī mo.atakif-e-gosha-e-uzlat

    hālāñki mirā reḳhta pahuñchā hai deccan meñ

    ye sach hai ki saudā bhī thā ustād-e-zamāna

    merī to magar 'mīr' thā sher ke fan meñ

    wo pairahan-e-jaan mein jaan hajla-e-tan mein

    hun wahm-e-judai se ajab ranj-o-mehan mein

    maqsud ziyarat hai agar kaba-e-dil ki

    ho garm-e-safar nahiya-e-mulk-e-watan mein

    wo qamat-e-dilkash hai ajab fitna-e-alam

    chhupta hi nahin pairahan-e-naud-kuhan mein

    ai shama baha ashk chhupa raaz-e-mohabbat

    KHakistar-e-parwana hai betab lagan mein

    shorish meri beja hai na fariyaad nikammi

    raunaq hai zara nala-e-bulbul se chaman mein

    tasir ho kya KHak jo baaton mein ghaDat ho

    kuchh baat nikalti hai to be-saKHta-pan mein

    kam-tar hai do o dam se insan ba-maraatib

    har dam jo taraqqi na kare chaal-chalan mein

    hun main to wahi moatakif-e-gosha-e-uzlat

    haalanki mera reKHta pahuncha hai deccan mein

    ye sach hai ki sauda bhi tha ustad-e-zamana

    meri to magar 'mir' hi tha sher ke fan mein

    Source:

    Kulliyat-w-Hayat-e-Ismail Ba-Tasveer (Pg. ebook-480 page-292)

    • Author: Mohammad Aslam Saifi
      • Edition: 1939
      • Publisher: Dayal Printing Press, Delhi
      • Year of Publication: 1939
    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY

    Jashn-e-Rekhta | 8-9-10 December 2023 - Major Dhyan Chand National Stadium, Near India Gate - New Delhi

    GET YOUR PASS
    Speak Now