wo pashiman-e-sitam ho ye zaruri to nahin

vo pashīmān-e-sitam ho ye zarūrī to nahīñ

mere ġham kā use ġham ho ye zarūrī to nahīñ

aur pahlū bhī haiñ iz.hār-e-shikast-e-dil ke

aañkh ā.īna-e-ġham ho ye zarūrī to nahīñ

jāda-e-dair-o-haram meñ bhī jabīñ kī qismat

aap kā naqsh-e-qadam ho ye zarūrī to nahīñ

tark-e-ulfat to kiyā hai tirī ḳhātir ham ne

ab tirī yaad bhī kam ho ye zarūrī to nahīñ

laakh āsā.ish-e-duniyā ho mayassar phir bhī

dil ko taskīn baham ho ye zarūrī to nahīñ

merā mahbūb-e-nazar aur mirā masjūd-e-ḳhayāl

koī patthar kā sanam ho ye zarūrī to nahīñ

sajda-e-dil tirī chaukhaT kā tamannā.ī hai

har jagah sar mirā ḳham ho ye zarūrī to nahīñ

ishq pāband-e-vafā ho ye zarūrī hai magar

husn majbūr-e-karam ho ye zarūrī to nahīñ

naġhma-o-sher ke parde meñ mire lab pe 'tufail'

merī rūdād-e-alam ho ye zarūrī to nahīñ

wo pashiman-e-sitam ho ye zaruri to nahin

mere gham ka use gham ho ye zaruri to nahin

aur pahlu bhi hain izhaar-e-shikast-e-dil ke

aankh aaina-e-gham ho ye zaruri to nahin

jada-e-dair-o-haram mein bhi jabin ki qismat

aap ka naqsh-e-qadam ho ye zaruri to nahin

tark-e-ulfat to kiya hai teri KHatir hum ne

ab teri yaad bhi kam ho ye zaruri to nahin

lakh aasaish-e-duniya ho mayassar phir bhi

dil ko taskin baham ho ye zaruri to nahin

mera mahbub-e-nazar aur mera masjud-e-KHayal

koi patthar ka sanam ho ye zaruri to nahin

sajda-e-dil teri chaukhaT ka tamannai hai

har jagah sar mera KHam ho ye zaruri to nahin

ishq paband-e-wafa ho ye zaruri hai magar

husn majbur-e-karam ho ye zaruri to nahin

naghma-o-sher ke parde mein mere lab pe 'tufail'

meri rudad-e-alam ho ye zaruri to nahin