wo peD jis mein ki phal rahe hain

vo peḌ jis meñ ki phal rahe haiñ

usī kī jānib uchhal rahe haiñ

qadam qadam par hai ḳhatra jaañ kā

qadam qadam par sañbhal rahe haiñ

rahe salāmat ye sar hamārā

tirī galī se nikal rahe haiñ

sunā.ī jab bhī kahānī apnī

tumhāre māthe pe bal rahe haiñ

ḳhayāl tere base haiñ dil meñ

vo she.rī paikar meñ Dhal rahe haiñ

qadam milā kar na chal sake jo

vo apne hāthoñ ko mal rahe haiñ

jinheñ biThāyā hai sar pe maiñ ne

vo naam se mere jal rahe haiñ

zarūr ik din Daseñge tum ko

jo āstīnoñ meñ pal rahe haiñ

wo peD jis mein ki phal rahe hain

usi ki jaanib uchhal rahe hain

qadam qadam par hai KHatra jaan ka

qadam qadam par sanbhal rahe hain

rahe salamat ye sar hamara

teri gali se nikal rahe hain

sunai jab bhi kahani apni

tumhaare mathe pe bal rahe hain

KHayal tere base hain dil mein

wo sheri paikar mein Dhal rahe hain

qadam mila kar na chal sake jo

wo apne hathon ko mal rahe hain

jinhen biThaya hai sar pe main ne

wo nam se mere jal rahe hain

zarur ek din Dasenge tum ko

jo aastinon mein pal rahe hain