wo rahbar to nahin tha iada kya karta
vo rāhbar to nahīñ thā i.aada kyā kartā
banā ke raah meñ vo koī jaada kyā kartā
nahā rahā ho ujāloñ ke jo samundar meñ
vo le ke zulmat-e-shab kā labāda kyā kartā
har ek shaḳhs jahāñ maslahat se miltā ho
vahāñ kisī se koī istifāda kyā kartā
na jis meñ rañg na ḳhāka na koī aks-e-jamāl
banā ke aisī maiñ tasvīr-e-sāda kyā kartā
mahāz-e-jañg meñ vo apne farz kī ḳhātir
na detā jaan to āḳhir piyāda kyā kartā
jahāñ pe hotā ho insāniyat kā ḳhuuñ 'ārif'
maiñ aisī duniyā meñ rah kar ziyāda kyā kartā
wo rahbar to nahin tha iada kya karta
bana ke rah mein wo koi jada kya karta
naha raha ho ujalon ke jo samundar mein
wo le ke zulmat-e-shab ka labaada kya karta
har ek shaKHs jahan maslahat se milta ho
wahan kisi se koi istifada kya karta
na jis mein rang na KHaka na koi aks-e-jamal
bana ke aisi main taswir-e-sada kya karta
mahaz-e-jang mein wo apne farz ki KHatir
na deta jaan to aaKHir piyaada kya karta
jahan pe hota ho insaniyat ka KHun 'arif'
main aisi duniya mein rah kar ziyaada kya karta
Source:
Rooh-e-Ghazal,Pachas Sala Intekhab (Pg. 801)
-
- Edition: 1993
- Publisher: Anjuman-e-Rooh-e-Adab, Allahabad
- Year of Publication: 1993
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
