wo rang-e-ruKH wo aatish-e-KHun kaun le gaya

vo rang-e-ruḳh vo ātish-e-ḳhūñ kaun le gayā

ai dil tirā vo raqs-e-junūñ kaun le gayā

zanjīr āñsuoñ kī kahāñ TuuT kar girī

vo intihā-e-ġham kā sukūñ kaun le gayā

dard-e-nihāñ ke chhīn liye kis ne aa.ine

nok-e-mizha se qatra-e-ḳhūñ kaun le gayā

jo mujh se boltī thiiñ vo rāteñ kahāñ ga.iiñ

jo jāgtā thā soz-e-darūñ kaun le gayā

kis moḌ par bichhaḌ ga.e ḳhvāboñ ke qāfile

vo manzil-e-tarab kā fusūñ kaun le gayā

jo sham' itnī raat jalī kyuuñ vo bujh ga.ī

jo shauq ho chalā thā fuzūñ kaun le gayā

wo rang-e-ruKH wo aatish-e-KHun kaun le gaya

ai dil tera wo raqs-e-junun kaun le gaya

zanjir aansuon ki kahan TuT kar giri

wo intiha-e-gham ka sukun kaun le gaya

dard-e-nihan ke chhin liye kis ne aaine

nok-e-mizha se qatra-e-KHun kaun le gaya

jo mujh se bolti thin wo raaten kahan gain

jo jagta tha soz-e-darun kaun le gaya

kis moD par bichhaD gae KHwabon ke qafile

wo manzil-e-tarab ka fusun kaun le gaya

jo sham' itni raat jali kyun wo bujh gai

jo shauq ho chala tha fuzun kaun le gaya