wo rang uDe hain kuchh ab ke baras bahaaron ke

vo rañg uḌe haiñ kuchh ab ke baras bahāroñ ke

ki dil meñ naqsh ubharte haiñ barf-zāroñ ke

ye dasht-e-dil ye ba-har-sū ġhubār-e-tanhā.ī

kahāñ ga.e vo chaman ajnabī ishāroñ ke

ulajh ga.e haiñ kisī mauj-e-iztirāb meñ phir

vo ḳhvāb rañg meñ Duube hue kināroñ ke

chalo ki us se koī saaf saaf baat kareñ

ki ab to khul hī ga.e bhed isti.āroñ ke

na jaane āḳhir-e-shab kis ke dil pe choT paḌī

ki Duub Duub ga.e jaise dil sitāroñ ke

firāqe-e-gul meñ kaTī zindagī ḳhizāoñ kī

surāġh-e-gul meñ luTe qāfile bahāroñ ke

wo rang uDe hain kuchh ab ke baras bahaaron ke

ki dil mein naqsh ubharte hain barf-zaron ke

ye dasht-e-dil ye ba-har-su ghubar-e-tanhai

kahan gae wo chaman ajnabi ishaaron ke

ulajh gae hain kisi mauj-e-iztirab mein phir

wo KHwab rang mein Dube hue kinaron ke

chalo ki us se koi saf saf baat karen

ki ab to khul hi gae bhed istiaron ke

na jaane aaKHir-e-shab kis ke dil pe choT paDi

ki Dub Dub gae jaise dil sitaron ke

firaqe-e-gul mein kaTi zindagi KHizaon ki

suragh-e-gul mein luTe qafile bahaaron ke