wo samajhta hai use jo raaz-dar-e-naghma hai

vo samajhtā hai use jo rāz-dār-e-naġhma hai

aah kahte haiñ jise sirf ik sharār-e-naġhma hai

munhasir jis par azal se kārobār-e-naġhma hai

dard kī āñkhoñ meñ vo ḳhvāb-e-bahār-e-naġhma hai

zinda rahne kī tamannā ho to phir kyā kuchh na ho

dil ke sannāTe pe mujh ko e'tibār-e-naġhma hai

kis se kiije aur kyuuñ kiije bayān-e-soz-e-dil

ye bharī duniyā to yaaro pāsdār-e-naġhma hai

aur bhī do-gām ai mahrūm-e-aish-e-zindagī

hadd-e-girya se zarā aage dayār-e-naġhma hai

naġhma-zan huuñ yuuñ ki yāroñ kā bharam qaa.em rahe

varna mahfil kī fazā nā-sāz-gār-e-naġhma hai

ab hai lahje meñ nukīlā-pan laboñ par zahr-e-ḳhand

ab yaqīñ aayā ki 'nāzish' rāz-dār-e-naġhma hai

wo samajhta hai use jo raaz-dar-e-naghma hai

aah kahte hain jise sirf ek sharar-e-naghma hai

munhasir jis par azal se karobar-e-naghma hai

dard ki aankhon mein wo KHwab-e-bahaar-e-naghma hai

zinda rahne ki tamanna ho to phir kya kuchh na ho

dil ke sannaTe pe mujh ko e'tibar-e-naghma hai

kis se kije aur kyun kije bayan-e-soz-e-dil

ye bhari duniya to yaro pasdar-e-naghma hai

aur bhi do-gam ai mahrum-e-aish-e-zindagi

hadd-e-girya se zara aage dayar-e-naghma hai

naghma-zan hun yun ki yaron ka bharam qaem rahe

warna mahfil ki faza na-saz-gar-e-naghma hai

ab hai lahje mein nukila-pan labon par zahr-e-KHand

ab yaqin aaya ki 'nazish' raaz-dar-e-naghma hai