wo sawalat mujh par uchhaale gae

vo savālāt mujh par uchhāle ga.e

chaah kar bhī na jo mujh se Taale ga.e

thā ye raushan jahāñ raushnī un se thī

vo ga.e saath un ke ujāle ga.e

ḳhat to yuuñ saikaḌoñ maiñ ne un ko likhe

jo bhī dil se likhe vo sambhāle ga.e

jab zabāñ band thī roTī miltī rahī

khol dī phir to muñh ke nivāle ga.e

ḳhaar rāhoñ meñ ġhairoñ ne Daale magar

dostoñ ke ishāroñ pe Daale ga.e

jag ne tārīf jitnī bhī merī sunī

dosh utne hī mujh meñ nikāle ga.e

ashk pī kar jo ġhairoñ ke hañste rahe

log 'kalkal' kahāñ vo nirāle ga.e

wo sawalat mujh par uchhaale gae

chah kar bhi na jo mujh se Tale gae

tha ye raushan jahan raushni un se thi

wo gae sath un ke ujale gae

KHat to yun saikaDon main ne un ko likhe

jo bhi dil se likhe wo sambhaale gae

jab zaban band thi roTi milti rahi

khol di phir to munh ke niwale gae

KHar rahon mein ghairon ne Dale magar

doston ke ishaaron pe Dale gae

jag ne tarif jitni bhi meri suni

dosh utne hi mujh mein nikale gae

ashk pi kar jo ghairon ke hanste rahe

log 'kalkal' kahan wo nirale gae