wo shaKHs kya hai mere waste sunaen use

vo shaḳhs kyā hai mire vāste sunā.eñ use

havā meñ mere havāle se gungunā.eñ use

udaas rātoñ meñ āvāra-gard banjāre

haTā leñ bāñsurī hoñToñ se aur gaa.eñ use

vo merā dil hai koī ret kā gharauñdā nahīñ

ki shoḳh maujeñ miTā.eñ use banā.eñ use

hai dil meñ dard kā lashkar paḌāv Daale hue

mile vo jān-e-ġhazal to kahāñ sajā.eñ use

ġhazal hai naam falak par qayām hai us kā

kabhī falak se zamīñ par utaar laa.eñ use

bichhaḌ gayā to palaT kar kabhī na aa.egā

hazār dasht-o-bayābāñ meñ do sadā.eñ use

vo dil kā dard sahī jaan ban gayā hai 'kamāl'

ham apnī jaan se jaa.eñ to bhuul jaa.eñ use

wo shaKHs kya hai mere waste sunaen use

hawa mein mere hawale se gungunaen use

udas raaton mein aawara-gard banjare

haTa len bansuri honTon se aur gaen use

wo mera dil hai koi ret ka gharaunda nahin

ki shoKH maujen miTaen use banaen use

hai dil mein dard ka lashkar paDaw Dale hue

mile wo jaan-e-ghazal to kahan sajaen use

ghazal hai nam falak par qayam hai us ka

kabhi falak se zamin par utar laen use

bichhaD gaya to palaT kar kabhi na aaega

hazar dasht-o-bayaban mein do sadaen use

wo dil ka dard sahi jaan ban gaya hai 'kamal'

hum apni jaan se jaen to bhul jaen use